Солтүстік Қазақстан газеті

ҚАЗАҚСТАН 2050

ЖОЛҒА БӨЛІНГЕН ҚАРЖЫ МОЛ, жөндеу жаңа технология бойынша жүргізіледі

Печать PDF

Облыста автомобиль жолдарының құрылысы мен жөндеу жұмыстары саласында жаңа инновациялық технологиялар енгізу “Қазақстан жолдары ғылыми-зерттеу институтының” әзірлемесімен тығыз байланысты. Қазақстан Республикасының Көлік және коммуникациялар министрі атап өткеніндей, аталмыш бағытта эксперименттік жұмыс жүргізілуде. Жаңа жол-құрылыс материалдары сынақтарын тестілеудің, ҚР Көлік және коммуникациялар министрлігінде аталмыш материалдарды қолдана отырып жасалған құрылыс және жөндеу жобаларын қараудың және келісудің оң нәтижелері жағдайында жаңа технологияларды енгізу басталады.

argaiv1259

Бейбіт ИСМАНОВ,

облыстық Жолаушылар көлігі және автомобиль жолдары басқармасының басшысы.

Жөндеу бойынша жұмыс сапасы жекелеген конструкциялық элементтердің немесе автомобиль жолының белгілі бір учаскелерінде ақауларын жоюға және оларды бас мердігердің түзетуіне кепілдік мерзімдерімен (жөндеудің түріне байланысты) және банк кепілімен қамтамасыз етіледі. Осы элементке немесе автомобиль жолының учаскесіне кепілдік мерзімі ақауды жою жөніндегі жұмыс аяқталған сәтінен бастап қайта бекітіледі.

ЖОЛДАРДАҒЫ ҚАУІПСІЗДІК ШАРАЛАРЫ КҮШЕЙТІЛЕДІ

Печать PDF

Көлік және коммуникация вице-министрі Мереке Пішембаев Астанада Орталық коммуникациялар қызметінде өткен баспасөз мәслихатында жолдардағы қауіпсіздік деңгейін арттыру мақсатында қабылданып жатқан шаралармен таныстырды.

Мемлекет басшысы Үкіметтің кеңейтілген отырысында жол қауіпсіздігі мен Қазақстанның автокөлік жолдарының сапасын қатаң сынға алғаны белгілі. Соған орай Мереке Пішембаев: “Ең алдымен, біз қозғалысы қарқынды автожол учаскелерін жолақтар сызылған және жол шеттеріне қоршаулар орнатылған 1-ші техникалық санаттың қатарына ауыстырып жатырмыз, бұл шара көліктерді басып озған кезде жүргізушілердің жолдың қарсы бетіне шығып кетулеріне жол бермес үшін жасалуда. 2020 жылға дейін шамамен 4 мыңдай шақырым тас жолды – 1-ші техникалық санатқа, республикалық маңыздағы 7,2 мың шақырым тас жолды 2-ші техникалық санатқа ауыстыру жоспарлануда. Осыған орай, “Астана-Щучинск” учаскесін мысалға келтіруге болады: бұл жол учаскесі 6 және 4 жолақты жол санатына ауыстырылғаннан кейін жолдардағы апат оқиғалары – үш есеге, ал кісі өлімі 22 есеге қысқарып отыр”, – деді. Вице-министрдің айтуынша, қазіргі таңда ведомство апатты оқиғалар кезінде арнайы қызметті шұғыл шақыру жүйесін енгізу жұмысын жүргізіп жатыр. Бұл жаңа жүйе жол-көлік оқиғаларына шұғыл әрекет етуші қызметтердің жедел үнқату уақытын орта есеппен 30%-ға қысқартуға мүмкіндік береді.

ҚАРЖЫНЫ ТИІМДІ ӘРІ ТОЛЫҚ ИГЕРУІМІЗ ҚАЖЕТ

Печать PDF

Елбасы Қазақстанның әлемдегі ең дамыған 30 елдің қатарына кіру міндетін белгіледі. Діттеген межеге жету үшін съезде қабылданған Саяси доктринаға сүйене отырып, бағытымызды айқындап, бағдарламаларды пысықтап, оларды жүзеге асыруымыз қажет. Сонымен қатар, қазына қаржысының мақсатты жұмсалып, толыққанды игерілуіне баса назар аударып, индустриялық саясатты одан әрі дамыту – маңызды міндет.

Ескен ӘКІМЖАНОВ,

облыстық Қаржы басқармасының басшысы.

Қаржы басқармасы бюджеттің толық әрі уақтылы орындалуын қамтамасыз ету, мемлекеттік сатып алу үрдісін оңтайландыру және тиімділігін арттыру, сондай-ақ мемлекеттік бюджет қаражатын пайдалану кезіндегі қаржылық заң бұзушылықты болдырмау бағытында жүйелі жұмыс жүргізуде. Мемлекеттік мекемелерге қашықтықтан қызмет көрсету және жүргізілген шығыстарға ақшалай қаражатты аудару үдерісін жылдамдату үшін былтырғы жылдан бастап “Қазынашылық-клиент” ақпараттық жүйесі енгізілген болатын. Бұл жүйе жергілікті бюджет түсімдерінің атқарылуына және бюджеттік бағдарламалардың іске асырылуына күнделікті мониторинг жүргізуге мүмкіндік беріп отыр.

САТЫП АЛУДАҒЫ СОРАҚЫЛЫҚТАР ТЫЙЫЛМАҚШЫ Осы жөніндегі шаралар жайлы Қаржы министрі мәлім етті

Печать PDF

Үкіметтің 11 қазанда өткен кеңейтілген отырысы кезінде Мемлекет басшысы Нұрсұлтан Назарбаев бюджет қаражатын толық және сапалы игеруге қатысты бірқатар сын айтқан болатын. “Бюджеттің сапасыз орындалуы көбінесе рұқсат беру және келісу процедураларының көптігіне байланысты, бұл да экономиканың дамуын тежейді”, – дегенді Елбасы. Сондай-ақ Нұрсұлтан Назарбаевтың пікірі бойынша, “Бюджеттік бағдарламалардың орындалмауының және олардың тиімсіздігінің негізгі себебі мемлекеттік сатып алу жүйесі болып саналады. Көбінесе мемлекеттік органдар тендерлерде “бөгде” жеткізушілердің қатысуына мүмкіндік бермейтін шарттар белгілейді. Бұған қоса мемлекеттік органдардың бірінші басшылары өздерін өздері жауапкершіліктен босатып, сатып алуға қатысты шешім қабылдаудан сырт қалады”.

ЖОСПАРЛЫ ТЕКСЕРІСТЕР АВТОМАТТАНДЫРЫЛАДЫ

Печать PDF

Бас прокуратура 2013 жылдың аяғына дейін еліміздегі жоспарлы тексерістерді белгілеу үдерісін автоматтандыруға ниетті. Аталмыш тетік тексеріс жүргізілетін орта және шағын кәсіпкерлікті таңдауды жоспарлауда адами факторды шеттетеді.

11 қазан күні Елбасы Нұрсұлтан Назарбаев “Бизнестің жол картасы – 2020” бағдарламасының жүзеге асырылу тиімділігін сынаған еді. “Бизнестің жол картасы – 2020” кәсіпкерлікті қолдаудың тиімді құралы болатын. Алайда, осындай қолдау көрсетілу барысына шағым саны артқандығын жеткізген Елбасы өткен жылы президенттік сайтқа кәсіпкерлікті қорғау жөнінде – 870, ал биыл 940 шағым түсіп үлгергендігін ашық айтқан болатын.

Бұрнағы күні Астанада өткен брифингте Бас прокурордың орынбасары Жақып Асанов үстіміздегі жылдың соңына дейін жоспарлы тексерулерді белгілеудің автоматтандырылған жүйесі енгізілетіндігін жеткізді.

Страница 49 из 49