Солтүстік Қазақстан газеті

Денсаулық

ЖҮРЕК ОНКҮНДІГІ: ТЕГІН ДӘРІ-ДӘРМЕКТЕР

Печать PDF
Қыркүйектің 30-ы мен қазанның 10-ы аралығында Жүрек ауруларына қарсы күрес онкүндігі өтіп жатыр. Дүниежүзілік денсаулық сақтау ұйымының бағалауы бойынша, жүрек ақаулары Қазақстанда ғана емес, бүкіл әлем бойынша өлімнің негізгі себебі болып табылады. Сол үшін әр адам жүрек ақауларының алдын алу үшін өз денсаулығына баса назар аударғаны дұрыс.
Жүрек-қантамыр ауруларына шалдығудың бірден-бір себебі – дұрыс тамақтанбау. Майлы тамақты мөлшерден көп қолдану қандағы холестериннің жоғарылауына алып келеді. Қантамырдың қабырғасына жиналған холестерин тамырдың тарылуына әкеп соқтырады. Нәтижесінде, жүректің қанмен қамтамасыз етілуі нашарлайды. Бұл инфарктқа алып келуі мүмкін. Мұндайды болдырму үшін калиймен байытылған азық-түлікті: банан, брокколи, киви, кептірілген цитрустық жемістерді жиі қолданған дұрыс. Ұнды, тәтті және тұзды тағамдарды азайтып, алкогольдік және газдалған сусындардан мүлдем бас тарту керек. Салмағыңызды бақылаңыз. Артық салмақты адамдар жүрек ақауларына көп шалдығады. Белсенді өмір салтын ұстаныңыз. Жаттығулармен қатар таза ауада ұзақ серуендеу де жүрек жұмысын жақсартады. Темекі шегетіндер зиянды әдеттен бас тартқаны дұрыс. Өйткені, темекі тарту – жүрек-қантамыр ауруларына шалдығудың негізгі себептерінің бірі.
Бүгінгі күні Денсаулық сақтау министрлігінің ең маңызды мәселелерінің бірі – денсаулық сақтау саласының шектелген қаржы ресурсы жағдайында елді мекендердегі дәрі-дәрмектік және медициналық көмекті жақсарту. ҚР-да жүректің протезделген клапанымен, артериялық гипертониямен (АГ), жүректің ишемиялық ауруымен, жүрек-ке ауа жетіспеушілігімен, аритмиямен ауыратын науқастарға тегін көмек көрсетіледі.
Сіздердің назарларыңызға диспансерлік тіркеуде тұрған науқастарға арналған дәрі-дәрмек тізімін ұсынамыз:
1) протезделген жүрек клапанымен, аорто-коронарлық ұштастыру және стенттеуден соң келесі препараттар ұсынылады: варфарин таблеткасы, ацетилсалицил қышқылы таблеткасы, клопидрогель таблеткасы;
2) АГ, бүйректің созылмалы ауруларындағы АГ кезінде: бисопролол, карведилол, метопролол, пролангирленген эналаприл, лизиноприл, периндоприл, амлодипин, нифедипин, лозартан, кандесартан, моксонидин, индапамид, лозартан калийі+гидрохлортиазид, фозиноприл, валсартан+амлодипин, периндоприл+индапамид, валсартан+гидрохлортиазид, телмисартан+гидрохлортиазид, эналаприл+нитрендипин, лизиноприл+амлодипин;
3) жүректің ишемиялық ауруымен ауыратындарға: бисопролол, метопролол, амлодипин, изосорбидадинитрат таблеткасы, спрейі, ұнтағы, изосорбидамононитрат таблеткасы, капсуласы, ретард капсуласы, ацетилсалицил қышқылы, клопидогрель;
4) созылмалы жүрекке ауа жетіспеушілігімен ауыратындарға: бисопролол, небиволол, метопролол, эналаприл, рамиприл, фозиноприл, лозартан, кандесартан, дигоксин, спиронолактон, фуросемид, гидрохлортиазид;
5) жүрекке ауа жетіспеушілігінің ІІІ-ІV кезеңінде: торасемид;
6) аритмияда: амиодарон, пропафенон, варфарин, бисопролол, метопролол, верапамил, дигоксин тегін беріледі.
Барлық туындаған сұрақтарыңыз бойынша Астана және Алматы қалалары, сонымен қатар еліміздің 15 аумағында қызмет атқаратын Дәрі-дәрмек ақпараттықталдау орталығына (ДАТО) хабарласуларыңызға болады. Орталықтың негізгі мақсаты дәріні тиімді қолдануды жүзеге асыру, формулярлы жүйені дамыту және халықтың дәрілік сауатын жетілдіру болып табылады.
2011 жылдың желтоқсан айынан бастап Қазақстандағы ДАТО-ның біріккен байланыс жүйесі: 8 800 080 88 87 құрылды. Қазақстан бойынша кез келген стационарлы телефоннан қоңырау шалу тегін. Дәрі-дәрмек туралы толығырақ ақпаратты біздің сайтымыздан таба аласыздар: www.druginfo.kz.
Дәрі-дәрмек ақпараттық талдау орталығы.

ЕКІ КҮНГЕ СОЗЫЛҒАН КОНФЕРЕНЦИЯ бірқатар елдерден келген травматолог және ортопед дәрігерлерді Қызылжарға тоғыстырды

Печать PDF

№ 116 (21333) Сенбі, 29 қыркүйек 2012 жыл

argaiv1208

Бақытжан ЖОЛДАСҚЫЗЫ,
“Солтүстік Қазақстан”.

Қызылжар өңірі екі күн бойы әлемнің үздік травматолог және ортопед дәрігерлері жиналған орталыққа айналды. Германия, Ресей, Польша, Өзбекстан, Қырғызстан, Әзірбайжан елдерінен келген ақ халатты абзал жандар “Жол-көлік оқиғалары кезінде медициналық көмекті ұйымдастыру, жарақатты және ортопедияны диагностикалаудағы және емдеудегі инновациялық технологиялар” тақырыбын арқау еткен республикалық ғылыми-тәжірибелік конференцияға қатысу үшін жиналды.
Облыстық балалар мен жасөспірімдер шығармашылығы орталығында алдымен травматология және ортопедия саласындағы қазіргі заманғы ота жасаудың озық құрал-жабдықтары мен дәрі-дәрмектердің көрмесіне назар аударылды. Буындарға жоғары технологиялы ота жасауға арналған протездердің түр-түрі, жақпа майлар мен ортопедияны емдеуде қолданылатын аяқкиімдерге дейін қойылған көрме буындар мен жарақаттарды емдеудегі әлем ғалымдарының жеткен жетістіктерінің көрінісіндей еді.
Конференцияны ашқан травматология және ортопедия ғылыми-зерттеу институтының директоры Нұрлан Батпенов ғылыми конференцияны жыл сайын еліміздің әр аумағында өткізу дәстүрге айналып отырғанын, бұл жергілікті мамандардың шеберлігін шыңдауға үлкен мүмкіндік тудыратындығын айтты. Конференцияға қатысушыларды облыстық денсаулық сақтау басқармасының бастығы Анатолий Ко құттықтады.

Страница 77 из 77