Солтүстік Қазақстан газеті

Руханият

МҮМКІНДІГІ ШЕКТЕУЛІ ЖАНДАРДЫҢ фестивалі өтті

Печать PDF

№ 116 (21333) Сенбі, 29 қыркүйек 2012 жыл

argaiv1977

Ләйла ЖАНЫСОВА,
“Солтүстік Қазақстан”.

Облыстық мәдениет басқармасы және халық шығармашылығы мен мәдени қызмет көрсету орталығы қызметкерлерінің ұйымдастыруымен өңіріміздегі мүмкіндігі шектеулі балалар мен ересектер арасында “Мейірімділік пен түсінушілікке жол ашық” атты фестиваль өтті. Мұндай шара осымен 14-ші мәрте ұйымдастырылды.
Шара барысында мүмкіндігі шектеулі жандардың басы бір жерде тоғысып, олардың бір-бірінің өнерлерін тамашалауға жағдай жасалды.
Өнерлерімен тамсандырғандардың бірі облыс, республика көлемінде танылған, халықаралық конкурстарға қатысып лайықты бағасын алып жүрген Петропавл қаласындағы саңырау балаларға арналған облыстық мектеп-интернаттың “Пульс” ансамблі болды.
Ақжар ауданынан келген Серік Мамилиннің орындауындағы “Гүлімсің” әні көрермендер қошеметіне бөленді. Сондай өнерпаздың тағы бірі Мағжан Жұмабаев ауданынан келіп, қазақтың “Қара жорғасын” билеген Оралбай Алғыбаев болды.
Айыртау ауданындағы психоневрологиялық интернат-үйінің тәрбиеленушілері Василий Скворцов пен Вадим Плосков та облыстық фестивальдың тұрақты қатысушылары болса, уәлихановтық Махаббат Қапарованың үлкен сахнада ән айтсам деген тілегі осы күні орындалыпты. Қарттар мен мүгедектерге арналған Смирново интернат-үйінің қамқорлығындағы Татьяна Кузнецова мен Людмила Клепикова ең ересек қатысушы болса, ең жасы – Антонина Олифер бар-жоғы жеті-ақ жаста екен.
Өнерпаз жандардың барлығына дипломдар мен бағалы сыйлықтар тапсырылды.
  Суретті түсірген  Талғат ТӘНІБАЕВ.

ӘНІ мен БИІ ҚЫЗЫҚТЫРҒАН мектеп-интернаттағы тіл мерекесі

Печать PDF

№ 116 (21333) Сенбі, 29 қыркүйек 2012 жыл

Анна КУЧЕРЕНКО,
зейнеткер.

Облыстық жетім балаларға арналған мектеп-интернатта тіл мерекесі күні үлкен мерекелік концерт өтті. Оны Қазақстан халқы облыстық ассамблеясы ұйымдастырды. Мерекелік концерттің шымылдығын күмбірлеген домбыраға қосыла шырқалған қазақ әнінің әуеніне сай орындалған “Жұлдыз” биі ашты. Одан кейін ұлттық мәдени орталықтардың оқушы өнерпаз балалары өз өнерлерін ортаға салды.
Мысалы, татар-башқұрт және шешен-ингуш орталықтарының өнерпаз жастары ұлттық киімде татар және шешен билерін нақышына келтіре орындаса, орыс қауымдастығы атынан өнер көрсеткен қалалық Мәдениет үйінің жанынан құрылған жас өрендердің ұлттық “Звонница” казак хоры “Близко к Дону”, “Моя Родина” және “Не дуй, не бушуй” әндерімен тыңдармандар көңілінен шықты. Бір сөзбен айтқанда, “Звонница” хорының өнерпаздары әдемі де ашық дауыстарына қоса, жарасымды ұлттық киімдерімен де жиналғандардың ыстық ықыласына бөленді.
Тіл мерекесін өзек еткен бұл концертте қазақ, орыс және украин әндері алма-кезек шырқалып отырды. Мерекелік думанды қазақ-түрік лицейінің оқушылары қазақтың ұлттық ән-билерімен аяқтады. Мектеп-интернат оқушыларына осындай есте қаларлықтай кеш сыйлағандары үшін оқу орнының директоры Ризабек Кәкпенов облыстық ассамблеяның ұлттық-мәдени орталықтары өнерпаздарына алғысын білдірді.

Страница 315 из 315