Солтүстік Қазақстан газеті

Экономика

ЖАРНАМА ФАБРИКАСЫ” атына сай болуға ұмтылу үстінде

Печать PDF

argaiv1797

Бүгінде жарнама күнделікті өміріміздің құрамдас бөлігі ретінде қалыптасып, қоғамдық құбылысқа айналды. Жарнамашылар өндіруші мен тұтынушы арасындағы дәнекерлік қызметтерді атқарып, экономиканың дамуын ынталандыратын, өндірістік үдерістер мен өнім сапасын жетілдіретін маңызды тұтқа ретінде танылуда. Жарнама сондай-ақ тұтыну мәдениетін жаңа биіктерге көтеретін “өркениет үдеткіші” де болып отыр. Әрине, оның да басты күші – адам. Өйткені, кәсіби шебер түрлі тәсілдермен жарнаманы жандандырады, дамытады, түрлендіреді. Солардың бірі – қызылжарлық Ермек Құсайынов пен оның командасы.


Гүлгүл ҚУАТҚЫЗЫ,

“Солтүстік Қазақстан”.


Мәскеу кооператив институты жанындағы декораторлар және жарнама суретшілері мектебін бітірген Ермек Құсайынов – бұл саланың тәжірибелі маманы. Кеңес дәуірінде тұтынушылар кооперациясының жарнама бөлімінде еңбек етіп, заманның аумалы-төкпелі кезеңінде де өз мамандығынан қол үзбей, көштің ағымына ілесе білген ол осыдан жеті жыл бұрын өз кәсіпкерлігінің іргесін қалап, полиграфиялық жарнама орталығын ашқан.

ІРО – ЕЛ ЭКОНОМИКАСЫНА ХАЛЫҚТЫҚ ИНВЕСТИЦИЯ

Печать PDF

Бүгінде айтарлықтай бос ақшалай қаржысы бар ел азаматтарының көпшілігін өз капиталын қалай сақтап, көбейтуге болатыны ойлантады. Олардың көбі банкте депозит ашу жолымен капиталын сақтаудың қарапайым тәсіліне жүгінеді. Әрине, мұндай жолмен ақшаны құнсызданудан біршама сақтауға болады, оның баяу болса да өсетіні рас. Алайда, қаржыларын инвестиция сияқты тәуекелді тетіктерге салғысы келетін адамдар да көптеп табылуда, онда сәтін салса капиталын айтарлықтай арттыруға мүмкіндік туады.

  • “Халықтық ІРО” бағдарламасының іске қосылуы Қазақстан азаматтарына өз елінің экономикасына инвестиция салу құқығын береді, – дейді “Қазпочта” АҚ облыстық филиалының директоры Сабырғазы Имашев. Міне, осы құқықты пайдаланып, жетекші отандық компаниялардың акцияларына ие болғысы келетіндерге толығырақ мағлұмат беру мақсатында кәсіпорын басшысын әңгімеге тарттық.

“ҚАРАҒАНДЫ ИНВЕСТ-2012" ФОРУМЫ

Печать PDF

21 қарашада “Қарағанды Инвест-2012” III-халықаралық инвестициялық форумы ашылды, деп хабарлады ҚазАқпарат.

Форумның басты мақсаты – қолайлы инвестициялық жағдайды жақсарту және Қазақстанның үдемелі индустриялық-инновациялық даму мемлекеттік бағдарламасы аясында облыс экономикасына отандық және шетелдік инвестиция тартуды одан әрі ынталандыру. Форумда нақты инвестициялық жобаларды талқылау және облыстық кәсіпорындарының инвестициялық жобалары бойынша дерекқор алудың нақты мүмкіндігі ұсынылды. Шараны ел Үкіметінің қолдауымен облыс әкімдігі ұйымдастырды. Форум аясында облыстағы инвестициялық жобалардың көрмесі өтті.

ӨҢІР КӘСІПКЕРЛЕРІНІҢ ФОРУМЫ

Печать PDF

Облыс әкімдігінің үлкен залында өңір кәсіпкерлерінің форумы өтті. Онда бизнесті дамытуда мемлекеттік қолдау тетіктерін пайдалану мәселелері қаралып, биылғы жылдың қорытындысы шығарылды.


Тоқтар ЗІКІРИН,

“Солтүстік Қазақстан”.


Форумды ашқан облыс әкімі Серік Біләлов өңірдегі іскер адамдар басқосуының жаңа мемлекеттік мереке – Қазақстан Республикасының Тұңғыш Президенті күні қарсаңында өтіп отырғанын атап өтті.

– Елбасы Нұрсұлтан Әбішұлы Назарбаевтың басшылығымен ауқымды экономикалық, саяси және әлеуметтік реформалар жүзеге асты. Мемлекеттік саясатта орнықты экономиканың негізін құрайтын шағын және орта бизнестің дамуына үлкен мән беріледі. “Бизнестің жол картасы – 2020” бағдарламасын және басқа да мемлекеттік бағдарламаларды жүзеге асырудың арқасында бизнесті мемлекеттік қолдаудың кешенді шаралары қамтамасыз етіледі. Аталмыш шаралардың табыстылығы Бүкіләлемдік банк рейтингінде Қазақстанның көрсеткіштерінің жақсара түсуімен дәлелденеді. Бүгінде еліміз осы рейтингте әлемнің 185 елінің ішінде 49-орында. Бұл көрсеткіш бойынша өзінің Кеден одағындағы және Бірыңғай экономикалық кеңестіктегі серіктестері Беларусьтан (58-орын) және Ресей Федерациясынан (112-орын) озық тұр.

ҚАЗАҚСТАНДЫҚТАР АЛДЫҢҒЫ ҚАТАРЛЫ ОТАНДЫҚ КОМПАНИЯЛАРДЫҢ ИЕГЕРЛЕРІ БОЛАДЫ

Печать PDF

Серік ЕСМҰРАТОВ,

“Қазпочта”АҚ СҚФ-ның маркетинг, жарнама және РR секторының жетекшісі.

 

“Қазпочта” АҚ брокер және трансфер-агент ретінде уәкілетті органның лицензиясымен “Халықтық ІРО” бағдарламасын қолға алған сәтте. Ол үшін АҚ-да инфрақұрылымды жақсарту, бағдарламалық қамтамасыз етуді жаңғырту бойынша жұмыс жүргізілді. Бүгінгі күнге дейін елімізде 3040 пошта бөлімшесі трансфер-агенттік қызмет көрсету үшін жабдықталып, әзір етілді. Бұдан басқа көктемнен бері ықтимал инвесторларға алдын ала брокерлік есепшот ашу жұмысы атқарылды. Соның арқасында бүгінгі күнге дейін “Қазпочта” АҚ-да 4368 есепшот ашылды.

Акция облигацияға қарағанда, тәуекелді тетік екендігін естен шығармау керек. Қаржылық нарықта тәуекел жоғары болса, ықтимал табыс та жоғары болады. Бұл жағдайда инвестор табысы акция құны мен дивидендтік табыс бағамының айырмашылығынан құралады. Мемлекет барынша қызығушылық тудыратын ірі ұлттық компаниялардың акцияларын сатылымға шығарып отыр. Бұл инвесторлардың қайталама нарықта бұл қағаздарға қызығушылығын арттыратын болады, сөйтіп, баға белгіленімінің өсуіне әкеліп соғады. Биржада айналымда жүрген бағалы қағаздар құнының өсімінен алынған пайдаға табыс салығы салынбайтындығын еске саламыз.

Дивиденд компанияның таза пайдасынан төленеді. Компанияның 2012 жылғы таза пайдасы компанияның есепті шоғырландыруынан кейін 2013 жылы сәуір айында белгілі болады.

Егер сіз акцияны 2012 жылы сатып алсаңыз, дивиденд таза пайда болған жағдайда, дивидендтерге төлем төлеуге бағытталатын сома туралы шешім шығаратын акционерлер жиналысынан кейін 2013 жылы мамыр айында төленеді.

Қабылданған шешімге байланысты акционерлер жиналысы дивиденд төлеу немесе төлемеу бойынша ниетін БАҚ-та жариялайды.

Мысалы, “А” компаниясы таза пайдасының барлығын дивиденд төлеуге бағыттауды шешті. Оның таза пайдасы 1000 теңгені құрады. Барлығы 10 жай акция шығарылып, сатылды. Онда жай акция ұстаушылар дивиденд алады (10 акция/ 1000 теңге=1 акцияға 100 теңге).

Дивиденд мынадай үш жағдайда төленбейді:

1) компания шығынға батқанда;

2) дивиденд компанияны шығынға душар ететін болса;

3) акционерлер жиналысы дивиденд төлемеуге шешім қабылдаса.

“Қазпочта” АҚ “Халықтық ІРО” бағдарламасы бойынша сатып алған акцияларын қайтадан сатып жіберуге ниет білдірген инвесторлар мына жағдайларға назар аударғаны жөн. Бір-екі акцияны сатып алу экономикалық жағынан тиімді мәміле болып саналмайды, өйткені брокердің комиссиясы мәміле сомасынан асып кетеді.

Акцияларды сатып алу және сатуға арналған брокер комиссиясы мынадай:

– “Қазпочта” АҚ-да: 2231 акцияға дейін (1617475 теңге сомасына) – 809 теңге. 1617475 теңгеден асатын сомаға акциялар сатып алғанда комиссия мәміле сомасының 0,05 пайызын құрайды.

Бағалы қағаздар ең тәуекелді инвестициялық тетік болып саналады. 100 пайыздық табысқа кепілдік жоқ. Белгілі бір кезеңде акция бағасының өсуі, сол сияқты алғашқы орналастырылған бағасынан азаюы мүмкін.

“Халықтық ІРО” бағдарламасы бойынша инвестициялауға арналған шешімді инвестор қабылдайды.

Сондықтан “Қазпочта” АҚ инвесторларға ең төменгі тиімді салым сомасын ұстап тұруды және инвестициялық шешім қабылдау үшін нарық пен жаңалықтарды қадағалап отыруды ұсынады.

ҚАЛПЫНА КЕЛЕТІН ҚУАТ КӨЗДЕРІ жайлы кеңінен әңгіме қозғалды

Печать PDF

Тоқтар ЗІКІРИН,

“Солтүстік Қазақстан”.


Облыстық мәслихаттың кіші залында ПИК қауымдастығы мен облыстық энергетика және тұрғын үй-коммуналдық шаруашылық басқармасының ұйымдастыруымен “Қалпына келетін қуат көздерін қолдану” деген тақырыпта ғылыми-тәжірибелік конференция өтті. Оған Алматы мен Астана қалаларынан келген сарапшылар, қалпына келетін қуат көздерінің құрал-жабдықтарын жеткізумен және монтаждаумен айналысатын фирмалар өкілдері, білім беру және денсаулық сақтау басқармаларының басшылары қатысты.

Жиынды ашқан облыстық энергетика және тұрғын үй-коммуналдық шаруашылығы басқармасы бастығының міндетін атқарушы Хасип Сюникаев қалпына келетін қуат көздеріне күннің, желдің, шағын өзендердің, толқынның, жерасты ыстық су көздерінің, судың, әуенің, биомассаның және қалдықтардың қуаты жататынын айта отырып, олардың, біріншіден, таусылмайтынына, екіншіден, бұл қуаттардың бірі болмаса бірінің кез келген өңірден табылатынына және үшіншіден, қалпына келетін қуаттардың органикалық отынмен жұмыс істейтін электр станцияларына қарағанда табиғатқа анағұрлым экологиялық тұрғыдан жақындығына тоқталды. Осындай тиімді қуат көздерін пайдалануды облыстағы ішке орнатылған жылу қазандықтарын шұғыл сыртқа шығаруды қажет ететін 159 мектептен бастаған жөн болар еді деген ой салды.

Конференцияны ұйымдастырушының бірі, ПИК қауымдастығының төрағасы, “Қазорталық ТКШ” АҚ-ы облыстық филиалының директоры Сергей Худяков “Қалпына келетін қуат көздерін және қуат үнемдеу шараларын енгізуді негіздеу” деген тақырыпта баяндама жасады. Онда ол Қазақстанда “Қалпына келетін қуат көздерін пайдалану туралы” Заң қабылданып, осы бағытта “Өңірлерді дамыту” және “ТКШ-ны жаңғырту” бағдарламалары бойынша дәстүрлі емес қуат түрлерін пайдалана отырып, айтарлықтай әлеуметтік-экономикалық жетістіктерге қол жеткізуге болатынын айтты.

Күн қуатын пайдалануда қолданылатын құрал-жабдықтар туралы айтқан күн коллекторларын жеткізу және монтаждау менеджері Максим Лойко су қыздырғыштарының СПЛИТ жүйесіне тоқталды. Оның төменгі және жоғары қысымды түрлерінің техникалық сипаттамаларын түсіндірді. Мұндай су қыздырғыштармен жылыжайларды жылытуға болады екен. Сол сияқты жел қуатын өндіру үшін жел генераторлары мен жел сорғыларын жеткізу мүмкіндіктері барын білдірді.

Жиынға қатысушылардың қойған сұрақтарына жиірек жауап беріп, биоотын өндіруге өзінің мүлде қарсы екенін бірден сездірген, қалпына келетін қуат жөніндегі ЕВРОСОЛАР халықаралық қауымдастығының мүшесі Вадим Некрасов биогаз қондырғылары және құрамдастырылған қуатпен жабдықтау жүйесін пайдаланып, жыл бойы жұмыс істейтін жылыжайлар туралы әңгімелеп берді. Ал “ҚазЭкоТерм” ғылыми-өндірістік фирмасы” ЖШС-нің директоры Алтай Әлімғазин дәстүрден тыс қуат көздерін пайдаланатын жаңа буындағы жылу сорғыларын жасау мен өндіріске енгізуге жан-жақты түсінік берді. Конференцияға қатысушылар қалпына келетін қуат көздерін қолдануға байланысты өздерін толғандырып жүрген көптеген сұрақтарға жауап алды.


Страница 162 из 167