Солтүстік Қазақстан газеті

ҚЫМБАТ КӨЛІК АЛАМЫЗ ДЕГЕНДЕР тағы бір алаяқтың құрбаны болды

Печать PDF

№ 116 (21333) Сенбі, 29 қыркүйек 2012 жыл

argaiv1322

Қалалық ІІБ 1-ші полиция бөлімінің қызметкерлері бірнеше петропавлдыққа қатыс ты алаяқтық жасаған Ресей азаматын құрықтады.
Бұл қылмыстың даму барысы қарабайыр: 33 жастағы қала тұрғыны көлік айдап әкелумен айналысқан. Тіркелген жеке кәсіпкерлік құжаттары, екі жақты міндеттер көрсетілген келісімшарттар – мұның бәрі АҚШ-тан көлік алуды аңсаушылардың ешбір күмәнін тудырмау үшін жасалған кезекті алаяқтың әрекеті болған. Пысық жігіт клиенттерінен әрбір көлік үшін 2-ден 9 миллион теңге сомаға дейін қаржы жинаған. Осылайша он адамды алдап соққан алаяқ ақыры із-түзсіз тайып тұрған. Еш нәрседен күмәні жоқ жәбірленушілер келісімшартта көрсетілген мерзім бойы күткенімен, алаяқтың құрбаны болғандарын сезініп, полицияға шағымданған.
Іздеуге жарияланған жігіт ақыры табылды. Ол Ресей Федерациясының Краснодар өлкесінде қолға түсті. Қазір күдікті облыс орталығына жеткізіліп, тергеу оқшаулағышына қамалды.

СҚО ІІД-нің баспасөз қызметі.

БАНК КРЕДИТТЕРІНЕ ЖӘРДЕМҚАРЖЫ БЕРУ өңірлік үйлестіру кеңесінде қаралды

Печать PDF

№ 116 (21333) Сенбі, 29 қыркүйек 2012 жыл

Нұрсайын ШӘРІП,
“Солтүстік Қазақстан”.

Облыс әкімінің орынбасары Қайрат Бекеновтің төрағалығымен “Бизнестің жол картасы – 2020” бағдарламасын жүзеге асыру жөніндегі өңірлік үйлестіру кеңесінің отырысы болып өтті. Онда банктердің кредиттері бойынша сыйақы ставкалары мен кепілдендіру үшін жәрдемқаржы беруге арналған өтінімдер қаралды.
Петропавлдық жеке кәсіпкер Тілеужан Бейсембаев жүк тасымалдаумен айналысады. Ол “Автомобиль көлігімен жүк тасымалдау бойынша қызмет көрсету” жобасын жүзеге асыру үшін “Евразиялық банк” АҚ-ның облыстық филиалынан 14 пайыздық үстемақымен кредит алған. Өңірлік үйлестіру кеңесі 3 жыл бойы 7 пайыз көлемінде кредитті бюджеттен жәрдемқаржыландыру және кредит сомасының 50 пайызына кепілдік беру туралы шешім қабылдады. Сонымен бюджет кәсіпкерге банктің 0,8 млн. теңгелік сыйақы ставкасының орнын толтырады, енді Тілеужан Қасымұлы алдағы үш жыл бойы банкке кредиттің 7 пайыздық үстемесін ғана төлейтін болады. Оның үстіне бюджет кәсіпкердің банк алдындағы сомасы 6,6 млн. теңгелік кредитіне кепілдік береді. Осы жоба арқылы 1 жұмыс орны ашылады.
Тайынша қаласындағы жеке кәсіпкер Майра Қажыманова жолаушылар тасымалдау кәсіпорны арқылы 5 адамды жұмыспен қамтып отыр. Тайынша – Көкшетау бағытына қатынайтын автобус сатып алу үшін “Дельта банк” АҚ-ның облыстық филиалынан 12 пайыздық үстемеақымен кредит алған. Бір жұмыс орнын ашқалы отырған Майра Сағатбайқызына да 3 жыл бойы 7 пайыз көлемінде жәрдемқаржы және кредиттің 50 пайызына кепілдік берілетін болды.
“Мада Трейд” ЖШС Ғабит Мүсірепов атындағы ауданның орталығында сыйымдылығы 15 мың тонналық элеватор құрылысын қолға алып отыр. Серіктестік директоры Сергей Потаповтың айтуына қарағанда, жаңа нысанның жалпы құны 407 млн. теңгені құрайды. Ол “Даму” кәсіпкерлікті дамыту қоры” АҚ қолдауымен “Цеснабанк” арқылы қаржыландырылмақ. Астық қабылдау кәсіпорнына түріктің “Овиал” фирмасының қондырғылары орнатылады. Оның құрылысын петропавлдық “Жер-Дән” ЖШС-нің құрылысшылары жүргізуде.
Өңірлік үйлестіру кеңесі тиісті құжаттарын әзірлегеннен кейін аталмыш серіктестікке “Цеснабанк” кредиті бойынша сыйақы ставкасына жәрдемқаржы және банк алдында кредиттің 50 пайызына кепілдік беруге шешім қабылдады.

НҰРСҰЛТАН НАЗАРБАЕВТЫҢ СЫРТҚЫ САЯСАТЫ — жаһандану әлеміндегі еліміздің жарқын бренді

Печать PDF

№ 116 (21333) Сенбі, 29 қыркүйек 2012 жыл

Нұрсайын ШӘРІП,
“Солтүстік Қазақстан”.

Биыл Қазақстан Республикасының дипломатиялық қызметіне және дүниежүзінің алдыңғы қатарлы елдерімен дипломатиялық қатынас орнатқанына 20 жыл толады. Осы жылдар ішінде Қазақстан сыртқы саясатта орасан жетістіктерге қол жеткізді. Ол – Тұңғыш Президент Нұрсұлтан Назарбаевтың тікелей еңбегі.

ЕКІ КҮНГЕ СОЗЫЛҒАН КОНФЕРЕНЦИЯ бірқатар елдерден келген травматолог және ортопед дәрігерлерді Қызылжарға тоғыстырды

Печать PDF

№ 116 (21333) Сенбі, 29 қыркүйек 2012 жыл

Бақытжан ЖОЛДАСҚЫЗЫ,
“Солтүстік Қазақстан”.

Қызылжар өңірі екі күн бойы әлемнің үздік травматолог және ортопед дәрігерлері жиналған орталыққа айналды. Германия, Ресей, Польша, Өзбекстан, Қырғызстан, Әзірбайжан елдерінен келген ақ халатты абзал жандар “Жол-көлік оқиғалары кезінде медициналық көмекті ұйымдастыру, жарақатты және ортопедияны диагностикалаудағы және емдеудегі инновациялық технологиялар” тақырыбын арқау еткен республикалық ғылыми-тәжірибелік конференцияға қатысу үшін жиналды.
Облыстық балалар мен жасөспірімдер шығармашылығы орталығында алдымен травматология және ортопедия саласындағы қазіргі заманғы ота жасаудың озық құрал-жабдықтары мен дәрі-дәрмектердің көрмесіне назар аударылды. Буындарға жоғары технологиялы ота жасауға арналған протездердің түр-түрі, жақпа майлар мен ортопедияны емдеуде қолданылатын аяқкиімдерге дейін қойылған көрме буындар мен жарақаттарды емдеудегі әлем ғалымдарының жеткен жетістіктерінің көрінісіндей еді.
Конференцияны ашқан травматология және ортопедия ғылыми-зерттеу институтының директоры Нұрлан Батпенов ғылыми конференцияны жыл сайын еліміздің әр аумағында өткізу дәстүрге айналып отырғанын, бұл жергілікті мамандардың шеберлігін шыңдауға үлкен мүмкіндік тудыратындығын айтты. Конференцияға қатысушыларды облыстық денсаулық сақтау басқармасының бастығы Анатолий Ко құттықтады.

МҮМКІНДІГІ ШЕКТЕУЛІ ЖАНДАРДЫҢ фестивалі өтті

Печать PDF

№ 116 (21333) Сенбі, 29 қыркүйек 2012 жыл

Ләйла ЖАНЫСОВА,
“Солтүстік Қазақстан”.

Облыстық мәдениет басқармасы және халық шығармашылығы мен мәдени қызмет көрсету орталығы қызметкерлерінің ұйымдастыруымен өңіріміздегі мүмкіндігі шектеулі балалар мен ересектер арасында “Мейірімділік пен түсінушілікке жол ашық” атты фестиваль өтті. Мұндай шара осымен 14-ші мәрте ұйымдастырылды.
Шара барысында мүмкіндігі шектеулі жандардың басы бір жерде тоғысып, олардың бір-бірінің өнерлерін тамашалауға жағдай жасалды.
Өнерлерімен тамсандырғандардың бірі облыс, республика көлемінде танылған, халықаралық конкурстарға қатысып лайықты бағасын алып жүрген Петропавл қаласындағы саңырау балаларға арналған облыстық мектеп-интернаттың “Пульс” ансамблі болды.
Ақжар ауданынан келген Серік Мамилиннің орындауындағы “Гүлімсің” әні көрермендер қошеметіне бөленді. Сондай өнерпаздың тағы бірі Мағжан Жұмабаев ауданынан келіп, қазақтың “Қара жорғасын” билеген Оралбай Алғыбаев болды.
Айыртау ауданындағы психоневрологиялық интернат-үйінің тәрбиеленушілері Василий Скворцов пен Вадим Плосков та облыстық фестивальдың тұрақты қатысушылары болса, уәлихановтық Махаббат Қапарованың үлкен сахнада ән айтсам деген тілегі осы күні орындалыпты. Қарттар мен мүгедектерге арналған Смирново интернат-үйінің қамқорлығындағы Татьяна Кузнецова мен Людмила Клепикова ең ересек қатысушы болса, ең жасы – Антонина Олифер бар-жоғы жеті-ақ жаста екен.
Өнерпаз жандардың барлығына дипломдар мен бағалы сыйлықтар тапсырылды.
  Суретті түсірген  Талғат ТӘНІБАЕВ.

КӘСІПКЕРЛЕРГЕ АРНАЛҒАН ТРЕНИНГ

Печать PDF

№ 116 (21333) Сенбі, 29 қыркүйек 2012 жыл


Гүлгүл ҚУАТҚЫЗЫ,
“Солтүстік Қазақстан”.

“Даму” кәсіпкерлікті дамыту қоры” АҚ-ның өңірлік филиалы облыс орталығындағы И. Шухов атындағы қалалық кітапханада кәсіпкерліктің жедел курсын өткізді. Оған кәсіпкерлер мен журналистер қатысты. Семинарды “Сила” тренинг орталығының қызметкері жүргізді.
Екі күндік курс шағын және орта кәсіпкерлікке мемлекет тарапынан қандай көмек көрсетіліп отырғандығы туралы ақпараттан басталды. Ел экономикасын жандандырудың бір жолы – жеке кәсіпкерлікті дамыту деп білетін Үкіметіміз іскерлік танытқандарға өзінің қолдауын көрсету үшін бірнеше бағдарламаны жүзеге асыруда. Оның біразы “Даму” қоры арқылы жүргізіледі. Шындығында осы қордың жұмысымен жақсы таныс кәсіпкер өзіне мемлекет тарапынан жасалатын көптеген жеңілдіктерді пайдалана алады, делінді семинарда. Сондай-ақ “Табыс табудың жолын тапқан кәсіпкер өзінің бастамасын одан әрі дамыту үшін бизнестің бүгешігесін үйреніп, ісіне жаңа серпін беруі қажет”, – деген дәріскер Ирина Васильева тыңдаушыларға іскерліктегі байланыс орнату жолдары мен амал-тәсілдерін бастап, кәсіпкерлік құжаттарын қалай жүргізу қажеттігіне дейін түсінірді. Сондай-ақ ол әр тақырыптан соң тыңдаушылардың қаншалықты ұғынғандықтарын пысықтау үшін бірнеше тренинг ұйымдастырды. 
Семинардың соңында әр тыңдаушыға кәсіпкерліктің жедел курсынан өткендігі туралы сертификат берілді.


Страница 241 из 242